Një sherr i dhunshëm mes disa të rinjsh ka ndodhur pasditen e sotme në lagjen “Skënderbeg” të Shkodrës, pranë sheshit “Prekë Cali”. Konflikti ka degjeneruar në dhunë fizike, ku janë përdorur mjete të rrezikshme si thika dhe një sëpatë.
Sipas të dhënave paraprake nga policia, shtetasi V.D. dyshohet se ka goditur me thikë shtetasin P.G., 33 vjeç, i cili ka arritur të paraqitet vetë në Spitalin Rajonal të Shkodrës dhe ndodhet jashtë rrezikut për jetën.
Ende nuk janë bërë të ditura shkaqet e konfliktit, ndërsa forcat e policisë po punojnë për identifikimin dhe kapjen e personave të përfshirë. Në vendngjarje vijojnë kontrollet për zbardhjen e plotë të rrethanave.