Një sherr i rëndë ka ndodhur pasditen e sotme në Itali ku një 25-vjeçar shqiptar mbeti i plagosur me armë zjarri.
Mediat e huaja raportojnë se konflikti me armë zjarri ndodhi mbrëmjen e së shtunës në të cilën thuhet se janë përfshirë 3 persona me precedent penalë.
Pas plagëve të marra nga të shtënat me armë zjarri mësohet se i riu shqiptar ndodhet jashtë rrezikut për jetën pasi ka marrë trajtimin mjekësor në spitalin e Miranos.
Ndërsa dyshohet se personi që e qëlloi është një 37-vjeçar, po ashtu me origjinë shqiptare, i cili ishte i shoqëruar me një 33-vjeçar ende i paidentifikua.
Konflikti mes tyre thuhet se nisi në orën 20:30, në parkingun e supermarketit në Orgnano, Spinea. Pas të shtënave me armë zjarri, karabinierët rrethuan menjëherë zonën por nuk arritën të kapnin autorët, ndërsa 25-vjeçari shqiptar i plagosur thuhet se u paraqit vetë në spital.