Një përplasje e dhunshme është regjistruar pasditen e sotme në qytetin e Shkodrës, në zonën e njohur si “Ish Dega”, ku një person ka mbetur i plagosur pas një sherri që përfundoi me përdorimin e sendeve të forta.
Sipas burimeve zyrtare, konflikti nisi për motive të dobëta mes dy personave dhe degjeneroi shpejt në dhunë fizike. 28-vjeçari Bledar Bylybashi dyshohet se ka goditur me një mjet të fortë hekuri 42-vjeçarin Brigel Bizi, duke i shkaktuar dëmtime të rënda trupore.
I plagosuri u transportua me urgjencë në spitalin rajonal të Shkodrës, ku ndodhet nën kujdesin e mjekëve. Policia reagoi menjëherë duke shoqëruar në komisariat autorin e dyshuar, ndërsa grupi hetimor po punon për zbardhjen e plotë të rrethanave të ngjarjes.
Në një njoftim zyrtar, Policia e Shkodrës tha:
“Falë reagimit të menjëhershëm të shërbimeve të Policisë, u bë e mundur kapja dhe shoqërimi në ambientet e Komisariatit i shtetasit B. B., 28 vjeç, autori i dyshuar i ngjarjes. Shtetasi B. B., 42 vjeç, ndodhet në kujdesin e mjekëve, ndërsa grupi hetimor, nën drejtimin e Prokurorisë, po vijon punën për dokumentimin e plotë të rrethanave.”
Autoritetet pritet të marrin dëshmitë e të dyja palëve dhe të përcaktojnë akuzat për autorin, ndërkohë që gjendja shëndetësore e 42-vjeçarit raportohet e qëndrueshme.