Ambasada e Shteteve të Bashkuara në Tiranë ka shpërndarë një mesazh të qartë dhe të prerë nga Sekretari amerikan Marco Rubio, i cili thekson vendosmërinë e SHBA-së për të luftuar emigracionin e paligjshëm dhe për të forcuar sigurinë në kufijtë e saj.
“Ne jemi të palëkundur në përkushtimin tonë për t’i dhënë fund emigracionit të paligjshëm dhe për të forcuar sigurinë kufitare të Amerikës,” deklaron Rubio, duke nënvizuar prioritetet e administratës aktuale.
Sekretari përmendi krijimin e dy Zonave të reja të Mbrojtjes Kombëtare në kufirin jugor të SHBA-së dhe vendosjen e standardeve të rrepta për aplikantët për viza, si hapa konkretë në ruajtjen e sigurisë kombëtare dhe publike.
Ky mesazh vjen në një moment kur emigracioni dhe kontrolli kufitar janë kthyer në tema kyçe në debatin politik amerikan dhe interes të vazhdueshëm ndërkombëtar.