Cila është situata në prag të një ndeshjeje kaq të rëndësishme dhe pas humbjes 4-1? Duhet të përmirësohemi. Jemi Mançester Junajtidit dhe na vjen turp për renditjen në kampionat. Duhet pranuar se kemi qenë vërtet të dobët këtë sezon dhe nuk mund t’i ndryshojmë të gjithë lojtarët. Ajo që duhet të bëjmë është të përmirësojmë çdo pozicion në ekip me lojtarët që kemi dhe të përpiqemi të sjellim karakteristika të ndryshme nga ata vitin e ardhshëm.
Po, por nuk ju përgjigjët pyetjes…
Ju zgjidhni pyetjen, unë zgjedh përgjigjen. Ne duhet të përmirësojmë çdo pozicion në fushë dhe të mendojmë se si të nisim aksionin me portierin.
Pra, do të luajë Onana kundër Lionit?
Si trajner dhe gjithashtu si ish-lojtar, përpiqem të bëj gjëra që mund të ndihmojnë një lojtar në këtë situatë. Kështu që ndonjëherë flasim për menaxhimin e lojtarëve fizikisht, por duhet t’i menaxhojmë edhe mendërisht, ndaj dikush si Onana duhet të kthehet në garë. Ai është gati. Në fundjavë e ndjeva se ishte më mirë për të të mos luante, ndërsa sot mendoj ndryshe për ndeshjen e radhës.
Mos ndoshta edhe sulmuesit duhet të kishin shënuar më tepër?
Nëse skuadra jonë shënon më shumë gola dhe sulmuesit tanë janë më të aftë në punën e tyre, edhe si ekip do të mbroheshim më mirë. Ndonjëherë ka sezone ku nuk ka një performancë të mirë. Siç thashë, ne do ta bëjmë këtë vlerësim për çdo pozicion në skuadër.
Një triumf në Ligën e Europës do t’ju fuste në Champions, të cilën nuk e arrini dot nëpërmjet kampionatit. Ju si e shikoni këtë situatë?
Nëse duhet të luajmë në Champions, edhe drejtuesit e dinë që do të kenë një buxhet më të mirë për të ecur përpara e për të ndërtuar një ekip të aftë për të përballuar ngarkesën e sezonit të ardhshëm. Mendoj se është diçka që do ta zbulojmë së shpejti./PanoramaSport
9-vjeçari me dy krahët e prera/ Kjo është fotoja e vitit, e zgjedhur nga World Press Photo!