Senati amerikan me përbërje Republikane miratoi sot me një votë të ngushtë paketën masive fiskale dhe shpenzimeve të propozuar nga Presidenti Donald Trump, të njohur nga vetë autori si “big, beautiful bill”. Rezultati u vendos 50-50, dhe Zëvendëspresidenti JD Vance përdori votën e tij të prerë për ta kaluar.
Tre senatorë republikanë — Rand Paul, Susan Collins dhe Thom Tillis — bashkë me gjithë demokratët votuan kundër, duke pasur dyshime për disa nga masat fiskale dhe shkurtime drastike të programeve sociale.
Pikat kryesore të paketës
Lehtësime të mëdha tatimore për individët dhe biznese, pjesërisht të kompensuara nga
Shkurtime historike në ndihmën sociale dhe programet e sigurimeve,
Rritje buxhetore për mbrojtjen kombëtare dhe sigurinë,
Financime shtesë për infrastrukturën kufitare dhe agjencitë e zbatimit të ligjit.
Hapat e ardhshëm
Pasi kaloi në Senat, projektligji duhet të miratohet edhe nga Dhomë e Përfaqësuesve për t’u dërguar në tryezën e Presidentit Trump. Liderët republikanë po bëjnë presion për ta votuar atë brenda afatit të 4 korrikut, me qëllim që të festohet miratimi nën zjarret e fishekzjarreve të Ditës së Pavarësisë.
Nëse Dhomë e Përfaqësuesve e kalon pa ndryshime, Trump pritet ta firmosë menjëherë, duke sjellë ndryshime të thella në politikën fiskale dhe rrjetin e sigurisë sociale të Shteteve të Bashkuara.