Një studim i fundit sugjeron se konsumimi i tre filxhanëve kafe në ditë mund të zvogëlojë rrezikun e sëmundjeve të zemrës dhe sulmeve kardiake. Sipas raportimit të “The Sun”, njerëzit që konsumonin rregullisht kafenë kishin 12% më pak gjasa të ndërronin jetë në moshë të re.
Studimi tregon se ata që pinin deri në tre filxhanë kafe në ditë kishin një zemër më të shëndetshme dhe një funksion më të mirë kardiak. Përfitimet e tjera përfshijnë mbrojtje kundër diabetit, sëmundjeve të mëlçisë dhe dementia-s, si dhe ndihmon në djegien e yndyrës trupore.
Dr. Judit Simon, studiuesi kryesor, tha:
“Konsumimi i rregullt i kafesë është i sigurt. 0.5 deri në tre filxhanë kafe në ditë ulin rrezikun e goditjes në tru, të vdekjes nga sëmundjet e zemrës dhe të vdekjes nga shkaqe të tjera.”
Ekipi i saj monitoroi të dhënat e pjesëmarrësve në Mbretërinë e Bashkuar për 11 vjet, duke nisur nga mosha mesatare 56 vjeç. Rezultatet treguan se pijësit e kafesë kishin 21% më pak gjasa për të pësuar një goditje në tru. Studiuesit theksuan se konsumimi më shumë se tre filxhanë ose mungesa e plotë e kafesë nuk ofron të njëjtat përfitime.