I dërguari i lartë ekonomik i Rusisë, Kirill Dmitriev, ka deklaruar se Rusia, Ukraina dhe SHBA-ja janë pranë arritjes së një zgjidhjeje diplomatike për t’i dhënë fund luftës në territoret ukrainase.
Pretendimi i tij bie ndesh me qëndrimin zyrtar të Kremlinit, i cili vazhdon të refuzojë çdo kompromis dhe kërkon dorëzimin e plotë të disa territoreve si kusht për paqe.
Sipas medias ukrainase Kyiv Independent, Dmitriev mbërriti në Shtetet e Bashkuara vetëm pak ditë pasi presidenti amerikan Donald Trump shpalli sanksione të reja ndaj Rusisë.
Megjithatë, zëdhënësi i Kremlinit Dmitry Peskov theksoi se pozicioni rus për t’i dhënë fund armiqësive “vetëm përgjatë vijave aktuale të frontit” mbetet i pandryshuar.
Edhe ministri i Jashtëm rus Sergey Lavrov deklaroi se ndalimi i luftës pa një marrëveshje gjithëpërfshirëse paqeje do të nënkuptonte “harrimin e shkaqeve rrënjësore të konfliktit”.