Ambasada e ShBA në Tiranë do të nisë një sistem të ri për takimet e vizave nga data 30 maj 2025. Shërbimi i ri do të lejojë aplikantët të marrin informacion për vizat, të paguajnë tarifat, të planifikojnë dhe ndryshojnë datat e intervistave, si dhe të dorëzojnë dokumentet.
Megjithatë, nga data 19 deri më 29 maj 2025, aplikantët nuk do të mund të gjenerojnë fletëpagesa ose të bëjnë ndryshime në oraret e takimeve. Intervistat që janë planifikuar përpara 19 maj 2025 do të mbeten të vlefshme, dhe aplikantët duhet të respektojnë datat e caktuara për to.
“Ambasada e ShBA në Tiranë do të përdorë një sistem të ri për takimet e vizave duke filluar nga data 30 maj 2025.❗️
Përmes shërbimit të ri, aplikantët për vizë do të mund të marrin informacionin për vizë, të paguajnë tarifat e aplikimit, të planifikojnë dhe të ndryshojnë datat e intervistave dhe të marrin shërbime për dorëzimin e dokumenteve. Për të zbatuar këtë sistem të ri, aplikantët për viza nuk do të jenë përkohësisht në gjendje të gjenerojnë fletëpagesa ose të bëjnë ndryshime në orar nga data 19-29 maj.
Ju lutemi, vini re se të gjitha intervistat për viza joemigruese dhe emigruese që janë tashmë të planifikuara ose do të planifikohen përpara datës 19 maj 2025, do të mbeten të vlefshme edhe pas fillimit të sistemit të ri të takimeve për viza. Aplikantët për vizë duhet të planifikojnë të marrin pjesë në takimet e tyre në datat dhe oraret e planifikuara”, njofton ambasada amerikane.