Këngëtarja dhe moderatorja e njohur Rozana Radi, e cila këtë vit është pjesë e panelit të emisionit “Goca dhe Gra”, ka bërë një deklaratë të pazakontë mbi marrëdhënien me vjehrrën dhe bashkëjetesën familjare.
Gjatë bisedës në studio, Rozana u shpreh se nuk e sheh si problem të jetuarit me vjehrrën — përkundrazi, do ta bënte me kënaqësi.
“Unë mendoj që jetesa me vjehrrën nuk është gjë e keqe, përkundrazi. Për veten time, do ta kisha për kënaqësi ta kisha vjehrrën në shtëpi,” – tha ajo.
Me humor, këngëtarja shtoi se “më mirë vjehrra në shtëpi sesa një pastruese filipineze”, duke e kthyer momentin në një diskutim plot të qeshura në studio.
Radi tregoi se kjo mënyrë e të menduarit vjen nga përvoja familjare, pasi nëna e saj ka jetuar dikur me prindërit e babait, çka e ka ndihmuar të kultivojë idenë e një familjeje të bashkuar dhe të ngrohtë.
Deklarata e artistes ka tërhequr vëmendje në rrjete sociale, duke u komentuar si një qëndrim i rrallë dhe pozitiv ndaj marrëdhënieve mes nuseve dhe vjehrrave – një temë që shpesh mbetet tabu në shoqërinë shqiptare.