Pas afro dy muajsh pezullimi për shkak të tensioneve të forta në rajon, Aeroporti Ndërkombëtar Imam Khomeini ka rifilluar gradualisht operimin e fluturimeve ndërkombëtare.
Sipas mediave iraniane, fluturimet e para janë realizuar drejt disa destinacioneve kyçe në Lindjen e Mesme, përfshirë Medina, Muscat dhe Stamboll.
Hapësira ajrore e Iran ishte mbyllur pothuajse plotësisht që nga 28 shkurti, në kulmin e përplasjes me Shtetet e Bashkuara të Amerikës dhe Izrael, duke paralizuar trafikun ajror për javë të tëra. Rihapja e pjesshme e aeroportit konsiderohet një sinjal i kujdesshëm drejt normalizimit, ndonëse situata mbetet e brishtë.
Ndërkohë, sipas raportimeve, është arritur një armëpushim i kushtëzuar mes palëve, i ndërmjetësuar përmes kanaleve diplomatike, ndërsa negociatat për një marrëveshje më afatgjatë vijojnë.
Nga ana tjetër, presidenti amerikan Donald Trump ka bërë të ditur se bisedimet me Teheranin janë ende në zhvillim dhe se po shqyrtohet një ofertë e re e paraqitur nga pala iraniane.