Gushti është një nga muajt që numëron numrin më të madh të turistëve.Kjo do të thotë se do duhet të ndani mrekullitë natyrore me shumë njerëz, sipas një artikulli të botuar në revistën italiane të udhëtimeve “Lonely Planet Italia”.
“Lonely Planet Italia” ka renditur gjashtë vendet më magjepsëse për të udhëtuar në verën e vitit 2024 – mes të cilave është përfshirë edhe bregdeti i Shqipërisë.
Riviera Shqiptare –Rërë, diell dhe mrekulli në bregdetin e Jonit
Bregdeti mahnitës i Shqipërisë së Jugut mbetet një kënaqësi për turistët që janë në kërkim të bregdetit, rërës dhe ushqimeve të detit.
Saranda është një qytet festash më vete, dhe cilësohet për baret dhe restorantet më të mirat.
Nëse preferoni vend e qeta, zgjidhni bregdetin e Himarës, të rrethuar nga një numër plazhesh të bukura (vizitoni Plazhin e Potamit, pak më në jug).
Gushti ju garanton diell, ujëra të ngrohta dhe të këndshme dhe temperatura jo shumë të nxehta.
Shezlonget dhe çadrat janë të disponueshme në një numër të kufizuar, por gjithmonë mund të kërkoni plazhe të qeta me rërë në vende si Palasa, Borshi, Buneci dhe në ishujt jashtë Ksamilit.
Nëse niseni drejt qafës epike të Llogorasë në gjirin e Vlorës, në fund të gadishullit të Karaburunit do të gjeni disa resorte dhe plazhe të izoluara, të arritshme me varkë.
Por për një pasdite më të veçantë mos harroni t’I drejtoheni sitit arkeologjik të Butrintit, ku do të eksploroni rrënojat greke, romake dhe bizantine –që datojnë 2500 vjet më parë.
Gjashtë vendet më të mira në Evropë për të vizituar në gusht 2024:
1- Riviera Shqiptare
2- Gadishulli i Pelionit, Greqi
3- Minho, Portugali
4- Austria Qendrore
5- Bregdeti i Belgjikës
6- Arkipelagu i Stokholmit, Suedi/ Lonely Planet Italia
