TIRANË– Sa herë që vjen në Tiranë, është e pamundur që të kalojë pa u vënë re prezenca e tij. Kjo për faktin se Rei Manaj, është ndër futbollistët më të pëlqyer të Kombëtares sonë.
Sulmuesi i kuq e zinjve, është ndër më popullorët edhe për vajzat që gjithnjë e më tepër po afeksionohen për të.
Vizita e tij në Tiranë, këtë herë ka qenë vetëm për të pushuar dhe për të shijuar pak jetën që Tirana ka. Rei është fotografuar nga paparaci ynë në zonën e stadiumit, ku këtë herë, jo me fanellën e Kombëtares, por i veshur sportiv ka shijuar kohën në shoqërinë e miqve të tij.
Kudo ku ndeshemi më djemtë e Kombëtares, interesi është i madh për të parë nëse pranë tij ka ndonjë vajzë, por këtë herë Manaj u shfaq vetëm me miqtë e tij. Kujtojmë se vetëm pak kohë më parë, shkruam për ndarjen e tij nga e dashura.
Ishte korriku i vitit të shkuar, kur ai publikoi në rrjetet sociale një foto ku shfaqej në shoqërinë e një vajze. Çifti merrte pjesë në një festë të organizuar jashtë, ku ftesa për Rein ishte çift.
Ndonëse prej pak muajsh në lidhje, ai zgjodhi të merrte me vete partneren dhe madje të publikonte edhe një foto në Instagram me të.
Në rrjetet e tij sociale, vërshuan urimet për këtë çift, duke mbetur mister identiteti i vajzës në fjalë. Por kur kanë kaluar disa muaj nga foto e famshme, duket se çifti i ka dhënë fund.
Miqtë e Reit kanë zbuluar se dyshja prej disa javësh nuk është më bashkë dhe se vajza në fjalë nuk ishte shqiptare.
Arsyet e ndarjes janë ende të paqarta, por miqtë zbulojnë se Rei ka preferuar që të vijojë me karrierën e tij, duke zgjedhur mos të flasë më për këtë raport./PanoramaSport
Ndërron jetë në moshën 64-vjeçare gazetari i njohur, Artur Zheji