Gazetari Domagoj Marketiç ka deklaruar në emisionin Balkan Talks në Euronews Albania se Presidenti i Serbisë, Aleksandër Vuçiç, kishte lidhje me një grup snajperistësh paraushtarakë.
Marketiç u shpreh se grupi udhëhiqej nga Sllavko Aleksis, ndërsa Vuçiç mbante një badge të shërbimeve sekrete serbe dhe e shoqëronte grupin gjatë lëvizjeve të tij.
“Në afërsi të Sarajevës, njerëzit e njësisë paraushtarake kishin leje kalimi nga institucionet serbe. Vuçiç ishte një nga ata që shoqëronte të ashtuquajturit ‘klientë’ dhe mundësonte lëvizjen e tyre, tha Marketiç.
Ai shtoi se udhëtimet përfshinin itinerare nga lokaliteti Ipale deri te varrezat hebraike, ndërsa shumica e informacionit vjen nga eksponentë dhe ish-eksponentë të njësisë paraushtarake serbe, të cilët konfirmuan pjesëmarrjen e Vuçiç.
Marketiç theksoi gjithashtu se nuk ka përmendur qytetarët serbë, por vetëm personat që kanë marrë pjesë në aktivitetet e njësisë.