TIRANË– Kryeministri Edi Rama ka zhvilluar ditën e sotme një takim me sekretarin e Përgjithshëm të NATO-s në Bruksel, Mark Rutte.
Në fjalën e tij kreu i qeverisë shqiptare u ndal te rëndësia strategjike e bashkëpunimit me NATO-n dhe tha se Shqipëria është e prirur për të çuar përpara projektin e Portit të ri Ushtarak në Porto Romano, një investim me vlerë për sigurinë rajonale dhe integrimin ushtarak.
“Jemi këtu për të rikonfirmuar gjithçka që ju thatë dhe ne duam të bëjmë edhe më shumë. Po rinisim rilindjen e industrisë tonë dhe jemi shumë të prirur të diskutojmë me ju për portin ushtarak të Porto Romanos. Jemi këtu edhe për të folur për mënyrat me të cilat mund të qasemi në programin SAFE të BE-së, i cili për çështjet e sigurisë shkon përtej kufijve të vendeve anëtare.”-u shpreh Rama.
FJALA E RAMËS:
Është kënaqësi jo vetëm falë miqësisë sonë të gjatë, por edhe për shkak të një fakti të thjeshtë që ka gjithmonë diçka për të mësuar prej jush. Jemi këtu për të rikonfirmuar gjithçka që ju thatë dhe ne duam të bëjmë edhe më shumë. Po rinisim rilindjen e industrisë tonë, jemi shumë të prirur të diskutojmë me ju punën e mëtejshme që duhet bërë për të bërë të mundur portin e ri ushtarak në Porto Romano. Jemi këtu edhe për të folur për mënyrat me të cilat mund të qasemi në programin SAFE të BE, i cili sa i takon sigurisë shkon përtej perimetrit të vendeve të BE se dhe mund të jetë i dobishëm edhe për vendete e NATO-së në Europë. Unë besoj se ju jeni njësh, keni energji në mëngjes dhe jeni këtu. Shpresojmë që të bëjmë gjithmonë më të mirën./Radar.al