Kryeministri Edi Rama ka reaguar ndaj komenteve negative online përmes një postimi në Facebook, ku ka ndarë një video me vlerësime negative për Kalanë e Rozafës në Shkodër.
Kreu i qeverisë deklaroi se publikime të tilla po dëmtojnë turizmin, ndërsa uron që prokuroria të veprojë sa më shpejt ndaj atyre që ai i cilëson si dhunues të pronës publike e private dhe shantazhues të qytetarëve.
“PO ME KALANË E ROZAFËS çfarë keni o patriota apo ta shkatërrojmë sa të mundemi turizmin, se duhet t’i përzemë të huajt dhe të kthehemi tek koha kur hanim njëri-tjetrin ëëë?! Uroj që prokuroria të veprojë një orë e më parë me këta dhunues të pronës publike e private dhe shantazhues të qytetarëve të këtij vendi”, shkruan ai.