Kryeministri Edi Rama ka reaguar sot përmes një postimi në rrjete sociale, duke shpërndarë një video dramatike nga përballja e një vendi fqinj me zjarret.
Rama u shpreh se edhe pse ky vend ka 77 avionë zjarrfikës dhe përvojë të gjatë në luftën kundër flakëve, ndryshimet klimatike e kanë bërë situatën shumë më të komplikuar.
“Ruhuni nga piromanët verbalë të këtij vendi, humbësa kronikë që nuk kanë më asgjë për të humbur,” shkruan Rama, duke i cilësuar “piromanë verbalë” ata që, sipas tij, nxisin urrejtje dhe përdorin fatkeqësitë natyrore për përfitime politike apo personale.
Në postim, ai përfshiu edhe një shpjegim mbi konceptin e “piromanit verbal”, të cilin e përkufizon si individ që krijon tension dhe polarizim përmes gjuhës, duke përdorur deklarata të ngarkuara emocionalisht dhe insinuata, me qëllim të prodhimit të reagimeve të forta në publik.
Radar.al