Në konferencën e katërt ndërqeveritare BE–Shqipëri që u mbajt në Luksemburg, kryeministri Edi Rama nuk i kurseu batutat me gazetarët.
Teksa një gazetare i sugjeroi se do ta kishte më të lehtë ta bënte pyetjen në frëngjisht, Rama iu përgjigj me humor: “Mos më pyete me ChatGPT belg?”
Kreu i qeverisë tha se e kuptonte pyetjen dhe sqaroi se me presidentin e Këshillit Evropian, Antonio Costa, pati një bisedë të qetë lidhur me progresin e Shqipërisë në procesin e integrimit. Rama shtoi se diskutuan edhe për samitin e radhës që do të mbahet në Tiranë më 16 maj, një ngjarje që e cilësoi si “takimin më të madh ndonjëherë në vendin tonë.”