Kryeministri Edi Rama njoftoi se kompania e përbashkët mes italianes Fincantieri dhe shqiptare KAYO do të krijojë një kantier për ndërtimin dhe riparimin e anijeve në Pashaliman, me një vlerë të parashikuar prej 400 milionë eurosh në vitin 2031.
Rama theksoi se projekti është një bashkëpunim strategjik në fushën e mbrojtjes dhe industrisë navale, duke e cilësuar Fincantieri si një nga ekselencat më të njohura europiane në këtë sektor.
Ai shtoi se marrëveshja bilaterale ushtarake me Italinë ka ndihmuar Shqipërinë në luftën kundër trafiqeve dhe emigracionit të paligjshëm, duke mos krijuar probleme në ujërat territoriale shqiptare. Rama nënvizoi se bashkëpunimi me partnerët europianë forcon reputacionin dhe pozicionin e Shqipërisë ndërkombëtarisht.