DURRËS– Kryeministri Edi Rama ditën e sotme nga Durrësi ku po zhvillon një takim me krerët e Bashkive në vend, duke folur për ndërtimet pa leje, ka bërë një paralajmërim edhe për arkitektët që bashkëpunojnë me ndërtuesit për të shkelur lejet e ndërtimit do t’u hiqet licenca.
Rama tha se do të bëhen ndryshime në legjislacion për të forcuar rolin e arkitektit, duke theksuar se do të përballen edhe me pasoja penale. Më tej ai shtoi se leje përdorimi dhe shfrytëzimi të godinave pa leje përfundimtare të arkitektit nuk mund të jepen më.
FJALA E RAMËS:
Në legjislacion do të forcohet ende më shumë roli i arkitektit dhe përgjegjësia e arkitektit. Arkitekt që bashkëpunon me ndërtuesit për të shkelur lejet e ndërtimit nuk mund ta gëzojnë me licencën dhe duhet të përballen me pasoja të natyrës penale. Leje përdorimi dhe shfrytëzimi të godinave pa leje përfundimtare të arkitektit nuk mund të jepen më. Të mos ketë lidhje të ujit dhe dritave për asnjë ndërtim që nuk disponon lejen e ndërtimit./Radar.al
Drejtoresha e shkarkuar nga Rama në Durrës është motra e Vangjush Dakos