Edhe këtë fundjavë, bregdeti shqiptar ka qenë destinacioni i preferuar i pushuesve nga Kosova. Në Pikën Kufitare të Morinës është shënuar fluks i lartë udhëtarësh, megjithëse kalimi vijon pa kontrolle për shkak të marrëveshjes ndërqeveritare për sezonin turistik.
Problemi më i madh është shfaqur te Trau i Kalimashit, ku pagesa e biletës ka shkaktuar radhë kilometrike dhe pritje të gjata për mijëra automjete.
Vetëm gjatë 24 orëve të fundit kanë kaluar mbi 20 mijë shtetas nga Kosova drejt Shqipërisë, ndërsa mëngjesin e sotëm janë regjistruar mbi 4 mijë hyrje.