Një ngjarje e rëndë ka ndodhur paraditen e sotme në kryeqytet, ku një 24-vjeçar ka humbur jetën pasi ka rënë nga lartësia e një objekti në rrugën “Garibaldi”, në afërsi të hotelit “Grand” në Prishtinë.
Rasti është raportuar rreth orës 11:30, ndërsa në vendngjarje kanë mbërritur menjëherë njësitë policore dhe ekipi mjekësor emergjent. Fatkeqësisht, mjekët kanë konstatuar se i riu kishte ndërruar jetë.
Lajmi është konfirmuar për Telegrafin nga zëdhënësi i Policisë për rajonin e Prishtinës, Agron Borovci. “Viktima është mashkull, rreth 24 vjeç, dhe në momentin kur ka mbërritur ndihma mjekësore, ka qenë pa shenja jete,” ka deklaruar ai.
Aktualisht, policia ka nisur hetimet për të zbardhur rrethanat e kësaj ngjarjeje të rëndë, ndërsa ende nuk është bërë e ditur nëse bëhet fjalë për aksident, vetëhedhje apo ndonjë faktor tjetër.