Gazetari Ylli Pata ka folur për zërat e fundit për qeveri teknike si një kërkesë të opozitës. Pata tha në Radar.al se duhet të ketë një dekalog krize që të justifikojë kërkesën për qeveri teknike dhe kujton se Shqipëria sapo ka bërë një palë zgjedhje.
“Si mund te jetë një kërkesë reale për një qeveri teknike kur e para e punës nuk kemi një dekalog krize, pse e kërkojmë, çfarë kërkojmë dhe në fund të fundit a do arrihet se ky është thelbi. Ne vijmë nga një palë zgjedhje. Edhe kjo puna e qeverisë teknike është bërë si barsaletë. Për çfarë shërben një qeveri teknike, një opozitë që kërkon të sfidojë maxhorancën kërkon zgjedhje. Pse do kërkojë qeveri teknike.”, tha Ylli Pata.