DURRËS– Gjykata e Durrësit ka caktuar masën e sigurisë “arrest në burg” për dy shtetasit Ardit Domi e Leonard Çali të cilët qëlluan me armë zjarri drejt policisë.
Kujtojmë se ngjarja ka ndodhur tre ditë më parë në orët e mbrëmjes, ku dy të rinjtë krijuan skena të filmave aksion pasi qëlluan në drejtim të efektivëve të policisë për t’i shpëtuar arrestimit.
Me një automjet të vjedhur në Durrës, ata grabitën fillimisht me dhunë një karburant në Sukth. Aventura e tyre sapo kishte nisur pasi policia i identifikoi dhe nisi ndjekjen e tyre. Gjatë ndjekjes makina e të rinjve ka dalë nga rruga. Gjatë kësaj kohe ata kanë hapur zjarr ndaj efektivëve.
Pasi efektivët arritën ti ndalonin dhe i rrethonin ata për më shumë se 20 minuta refuzuan të dorëzoheshin dhe si rezultat pati shkëmbim zjarri, ku njëri mbeti i plagosur. Polica më pas ndërhyri dhe transportoi Domin në spital, ndërsa Çali përfundoi pas hekurave./Radar.al