Ekspertë të aviacionit kanë thënë për BBC-në se një problem me pozicionin e flapëve në krahët e avionit gjatë ngritjes mund të ketë shkaktuar rrëzimin tragjik me mbi 200 viktima.
Flapet janë pjesë lëvizëse në pjesën e pasme të krahëve të avionit, që ndryshojnë formën e tyre për ngritje dhe ulje më të sigurtë.
Analisti Geoffrey Thomas vuri re në një video të verifikuar se gjatë momentit të rrëzimit, treni i uljes (rrotat dhe sistemi mbështetës) ishte ende i nxjerrë, por flapet ishin tërhequr, që është e pazakontë kaq shpejt pas ngritjes.
Zakonisht treni tërhiqet brenda 10–15 sekondave pas ngritjes dhe flapet tërhiqen gradualisht në 10–15 minuta të tjera.
Një tjetër ekspert, Terry Tozer, tha se nga videoja nuk duket që flapet të jenë në pozicion të duhur për ngritje, çka mund të ketë penguar ngritjen e avionit.
Marco Chan, ish-pilot dhe pedagog, shtoi se nëse flapet nuk janë vendosur siç duhet, kjo do të ishte një gabim njerëzor, por videoja me rezolucion të ulët nuk lejon një konfirmim të saktë.
Hetimet për shkaqet e rrëzimit vazhdojnë.