Së fundmi kompania e njohur e ndërtimit, “Salillari”, ka ngritur padi ndaj nënkontraktorit italian për ndërtimin e Urës së Madhe të Kukësit.
Referuar padisë së bërë mëoshet se kompania italiane Maeg ka realizuar një punë me defekte të shumta të cilat janë riparuar nga Salillari.
Kompania shqiptare bën me dije se riparimi i defekteve të shkaktuara nga Maeg i kushtoi asaj 3.5 milionë euro.
Duke llogaritur penalitetet, “Salillari” caktoi ndaj shoqërisë italiane një gjobë rreth 8.2 milionë euro.
Fillimisht padia është bërë në Gjykatën e Shkallës së Parë në Tiranë. Por më vonë çështja ka shkuar në gjykatën e lartë për kompetencë.
Gjykata e Lartë ka vendosur që çështja të gjykohet në Gjykatën Administrative të Shkallës së Parë.
Ura e madhe mbi Drin, pjesë e rrugës së Kombit u hap në korrik të vitit të kaluar. Pak javë pas hapjes ajo u mbyll pa asnjë shpjegim.
Pak ditë më vonë, në media qarkulluan lajme se ura kishte defekt dhe nuk garantonte sigurinë e kalimit.
