Dushi me ujë tepër të nxehtë mund të dëmtojë seriozisht lëkurën dhe shëndetin tuaj, paralajmëron mjeku Dr. Max Maddahali. Ai reagoi ndaj një videoje në TikTok, ku një burrë tregonte se nuk mund të bëjë dush me bashkëshorten për shkak të preferencave të ndryshme të temperaturës së ujit. Bashkëshortja e tij preferonte ujë “pak para se të vlojë”, gjë që nxiti paralajmërimin e doktorit.
Dr. Maddahali shpjegoi se ujë shumë i nxehtë heq vajrat natyralë që ruajnë lagështinë e lëkurës, duke shkaktuar tharje dhe irritim. Po ashtu, nxehtësia ekstreme zgjeron enët e gjakut nën lëkurë, duke shkaktuar skuqje dhe shqetësime të tjera. Për më tepër, ujë shumë i nxehtë mund të dëmtojë flokët dhe të ndikojë negativisht në tensionin e gjakut, duke sjellë madje edhe ndjenjën e humbjes së vetëdijes.
Në fund, mjeku paralajmëroi se dushi shumë i nxehtë mund të dobësojë sistemin imunitar. Ky paralajmërim është konfirmuar edhe nga shumë përdorues të cilët kanë ndjerë të fikët pas një dushi me temperaturë shumë të lartë.
Ekspertët rekomandojnë që temperatura ideale e ujit gjatë dushit të jetë e vakët ose më e freskët, për të ruajtur shëndetin e lëkurës dhe të gjithë trupit.