Kaosi dhe tensionet po përshkallëzohen në Serbi, ku qytetarë dhe studentë kanë dalë në rrugë në një valë protestash kundër brutalitetit policor dhe qeverisjes së presidentit Aleksandar Vuçiç.
Lëvizja studentore ka marrë rolin e pararojës në këto protesta, të cilat po zhvillohen në qytete kryesore si Beogradi, Novi Sadi, Nishi dhe Kragujevci. Ata u kanë bërë thirrje të gjithë qytetarëve që të bashkohen në bllokimin e qyteteve, si formë presioni ndaj autoriteteve.
Përmes një videoje me pamje nga protestat dhe përplasjet e ditëve të fundit, studentët i kanë dërguar një mesazh të drejtpërdrejtë Presidentit Vuçiç:
“Mund të na torturoni, të na bombardoni, ta digjni lagjen tonë deri në themel… por a e shihni këtë? Zjarri po përhapet! Dhe nëse digjemi, digjeni edhe ju me ne.”
Kjo deklaratë është kthyer në slogan simbolik të protestave, duke reflektuar zemërimin dhe vendosmërinë e qytetarëve përballë represionit shtetëror. Protestat, të cilat kanë nisur prej kohësh, po marrin gjithnjë e më shumë përmasa, duke sfiduar pushtetin dhe duke ngritur pyetje për stabilitetin politik të vendit.
Face it all, together. pic.twitter.com/wYEkC1oLs6
— Studenti_U_Blokadi (@studentblokade) July 4, 2025