Presidenti finlandez, Alexander Stubb, në një intervistë për rrjetin amerikan NBC News, përdori një krahasim domethënës për të shpjeguar përmasat e pretendimeve territoriale të Rusisë ndaj Ukrainës.
“Për një audiencë amerikane, mënyra më e qartë për ta shpjeguar është kjo: sipërfaqja e tokës që Rusia kërkon nga Ukraina është e barabartë me dorëzimin e Floridës, Georgian, Karolinës së Jugut, Karolinës së Veriut, madje edhe Virxhinias dhe Maryland-it,” tha Stubb.
Deklarata e tij vjen në një moment kur lufta në Ukrainë mbetet e ndezur dhe vendet perëndimore po diskutojnë forma të reja mbështetjeje për Kievin.
Kreu i shtetit finlandez, i cili është shndërruar në një nga zërat më të fortë në mbrojtje të sovranitetit ukrainas brenda BE-së dhe NATO-s, theksoi se kjo është një formë e pastër agresioni dhe shkeljeje të papranueshme të së drejtës ndërkombëtare.
Finlanda, vend kufitar me Rusinë dhe anëtar i ri i NATO-s, ka marrë një rol gjithnjë e më aktiv në çështjet e sigurisë evropiane. Së fundi, Stubb ishte pjesë e delegacionit të liderëve evropianë që zhvilluan takime në Uashington me presidentin amerikan, Donald Trump.
Finnish President Stubb to NBC News:
For an American audience, the best way to explain it is that if you take the relative land mass of what Russia wants right now from Ukraine, it would be a little bit like you giving up Florida, Georgia, South Carolina, North Carolina, even… pic.twitter.com/CZI5xBcYt4
— Clash Report (@clashreport) August 20, 2025