Presidenti i Shqipërisë, Bajram Begaj ka reaguar pas atentatit që ju bë ish-Presidentit të SHBA-së, Donald Trump.
Begaj shkruan se dhuna politike nuk ka vend në demokraci ndërsa i ka uruar Trump-it shërim të shpejtë.
“Mësova me keqardhje lajmin e tentativës për vrasjen e Presidentit Donald Trump. I uroj shërim të shpejtë Presidentit Trump dhe ngushëllime të sinqerta për humbjen e jetës së një personi të pafajshëm. E dënojmë ashpër këtë sulm dhe çdo formë të dhunës politike që nuk ka vend në demokraci.”- ka shkruar Begaj në platformën X.
Ish-presidenti Donald Trump, njëkohësisht kandidati për President të SHBA-ve u qëllua me armë zjarri gjatë një takimi elektoral në Pensilvani. U plagos në veshin e djathtë ndërkohë mësoshet se tashmë gjendja e tij shëndetësore është e stabilizuar. 20-vjeçari, Thomas Matthew Crooks i dyshuar si autori i sulmit u vra.