Reperi i njohur shqiptar Noizy ishte parashikuar të performonte më 5 korrik në një klub në Cyrih, Zvicër. Megjithatë, burime pranë ‘Prive By LS’ bëjnë me dije se artisti është ndaluar menjëherë pas mbërritjes në aeroportin e Cyrihut.
Arsyet e ndalimit nuk janë bërë ende të qarta, por në të kaluarën artistët shqiptarë shpesh kanë hasur vështirësi me dokumentacionin, siç janë vizat e punës, në shtetet evropiane dhe më gjerë.
Po ashtu, ka pasur raste kur koncertet janë organizuar pa njoftuar më parë autoritetet përkatëse, duke i vënë artistët në fokusin e organeve ligjzbatuese.
Ndërkohë, të gjithë posterët për eventin e datës 5 korrik janë hequr nga rrjetet sociale të klubit ku do të mbahej koncerti.
Noizy ende nuk ka dhënë ndonjë koment apo sqarim për këtë situatë.