Policia malazeze ka ndërmarrë një aksion kontrolli në qendër të Podgoricë, ku janë bastisur pronat e biznesmenit Aco Gjukanoviç.
Forcat e rendit kanë rrethuar një ndërtesë ku ai banon, ndërsa në të njëjtin objekt ndodhet edhe një degë e Prva Banka, bankë në pronësi të tij.
Sipas mediave vendase, inspektorët pritet të kryejnë kontrolle të detajuara në pronat e Aco Gjukanoviçit, vëllait të ish-kryeministrit dhe ish-presidentit afatgjatë të Malit të Zi, Milo Gjukanoviç.
Ndërkohë, Qendra për Gazetari Hulumtuese e Malit të Zi kishte raportuar në shtator 2023 se Aco Gjukanoviç ishte zhvendosur në Luksemburg menjëherë pas zgjedhjeve të vitit 2020, ku kishte nisur projekte të reja biznesi.