Kryeministri dhe njëherazi kryetari i Partisë Socialiste, Edi Rama, zhvilloi këtë pasdite një takim me të rinjtë e njësive 1, 2 dhe 3 në Tiranë, ku bëri thirrje për mbështetje në zgjedhjet e 11 majit.
Në një ton të drejtpërdrejtë dhe jo pak ironik, Rama u shpreh:
“Pse duhet votuar PS? Po kë tjetër mër jahu!” – duke shtuar se kjo përgjigje mbështetet në shumë argumente.
Ai theksoi se nëse Partia Socialiste do të kishte drejtuar vendin që nga viti 1992 e deri më sot, Shqipëria tashmë do të ishte anëtare e Bashkimit Evropian.
“Sa herë PS ka pasur drejtimin, vendi ka qenë më mirë. Të tjerët vetëm shkatërrojnë, ne ndërtojmë,” – përfundoi Rama.