Shtetasi shqiptar Nard Idirizi alias Fatbardh Idrizi, vlonjati i shumëkërkuar në Greqi për plagosjen e tre personave në 16 dhjetor 2023 në Athinë, mësohet se është vetëdorëzuar në policinë greke.
Meidat greke bëjnë me dije se fillimisht u paraqit në Komisariat avokati Spyros Dimitriou dhe më pas i shumëkërkuari shqiptar.
Burimet bëjnë e dije se ai ka deklaruar se pas ngjarjes ishte arratisur në Shqipëri dhe tashmë kishte vendosur të vetëdorëzohej.
Si ndodhi ngjarja në 2023?
Dy vëllezër nga Kreta, së bashku me shokun e tyre mbërritën në Athinë për të festuar festën e beqarisë së njërit prej tyre.
Teksa ata ecnin në rrugë, debatuan me pasagjerët e një fuoristrade.
Pak metra më poshtë mjeti ndaloi e për rrjedhojë nga mjeti zbriti shoferi bashkë me pasagjerin.
Papritur mes tyre një nga personat që ndodhej në fuoristradë hapi zjarr duke plagosur në kokë tre të rinjtë.
Pas ngjarjes policia shpalli në kërkim autorin kryesor, Nardi Idrizi, ndërsa arrestoi shokun e tij Emiljano Jakupi, 35 vjec.
Ky i fundit ishte i shpallur në kërkim edhe si pjesëmarrës në vrasjen e 40-vjecarit nga Delvina, Pëllumb Islami, në 21 shkurt 2023 në “Nea Ionia” të Athinës.
Jakupi kishte precedentë penalë për drogë, vjedhje makinash dhe vjedhje banesash.
në burgun e Fierit gjatë vitit 2020, pasi Prokuroria hetoi një skemë shpërdorimi detyre në këtë burg.
Në prill 2024, Nardi Idrizi u shpall sërish në kërkim nga policia greke si pjesë e një grupi që merrte sende të vjedhura nga grabitës të ndryshëm.
Në shkurt 2024, policia greke arrestoi vëllain e Nardit, Joni Idrizi, pasi kërkohej në Shqipëri për thyerje të masës së sigurisë.
Gjithashtu dhe ky i fundit rezulton i dënuar më parë në Shqipëri në vitin 2012 për grabitje me armë në banka, kazino e karburante.