Një tjetër sipërfaqe publike në Lungomaren e Vlorës është liruar dhe i është kthyer qytetarëve dhe turistëve. Kryeministri Edi Rama publikoi pamje nga ndërhyrja e autoriteteve, duke theksuar se hapësira prej rreth 500 m² do të shërbejë si plazh publik falas për pushuesit.
Rama u bëri thirrje profesionistëve lokalë të aplikojnë për pozicionet vakante në Bashkinë e Vlorës, për të dhënë kontribut në përpjekjen për mirëqeverisje dhe shërbime më të mira në qytet.
Ndërhyrja vjen pas konstatimit të 40 çadrave dhe 80 shezlongëve të vendosura në mënyrë të paligjshme nga subjekte private. Aksioni për lirimin e hapësirave publike vijon edhe në bashki të tjera të vendit, si pjesë e një nisme për mbrojtjen e plazheve dhe interesit të komunitetit.