Ditën e sotme Gjykata e Sarandës mësohet se caktoi masën e sigurisë “arrest me burg” për 55-vjeçarin Adriatik Bodini, i cili plagosi me thikë bashkëshorten e tij, Mirjana Bodinin.
Kujtojmë se ngjarja e rëndë ka ndodhur më 31 mars.
Në lidhje me këtë ngjarje thuhet se Prokuroria ka kërkuar masën “arrest me burg” me akuzën e plagosjes së rëndë me dashje.
Burimet bëjnë me dije se gjatë seancës së sotme, Bodini deklaroi se gjithçka ndodhi pas një debati, pa dhënë detaje mbi shkaqet e tij.
Në lidhje me veprimin e kryer ai ka shprehur pendesë ndërsa thuhet se nuk e ka kundërshtuar kërkesën e Prokurorisë.
Fatmirësisht gjendja shëndetësore e të plagosurës, Mirjana Bodinit paraqitet stabël, jashtë rrezikut për jetën.