Ditën e sotme rreth orës 11:40 në rrugën “Filip Shiroka”, Shkodër ka ndodhur një konflikt mes tre personave.
Sipas burimeve konflikti mësohet të ketë ndodhur për motive të dobëta. Gjatë përleshjes fizike shtetasi G. K., 76 vjeç ka plagosur me thikë shtetasit F. G., 51 vjeç dhe K. G., 49 vjeç.
Këto të fundit janë jashtë rrezikut për jetën.
Policia e Shkodrës ka vënë në pranga 76-vjeçarin.
Njoftimi i Policisë
Rreth orës 11:40, në rrugen “Filip Shiroka”, dyshohet se gjatë një konflikti për motive të dobëta, shtetasi G. K. ka dëmtuar me mjet prerës (thikë), shtetasit F. G., 51 vjeç dhe K. G., 49 vjeç, të cilët janë jashtë rrezikut për jetën.
Shërbimet e Policisë kanë shkuar menjëherë në vendngjarje dhe falë veprimeve të shpejta, kanë bërë të mundur kapjen e autorit të dyshuar, shtetasit G. K., 76 vjeç.
Ndërkohë, vijon puna e grupit hetimor, për sqarimin e plotë të rrethanave të ngjarjes.