Një grup “skifterësh” është vënë në pranga në ishullin e Mykonisit. Në pranga së pari përfundoi një 32-vjeçar shtetas shqiptar, ndërsa në kërkim janë shpallur edhe 3 persona të tjerë.
Mësohet se i gjithë grupi ishin shtetas shqiptar, por akoma nuk është bërë i mundur identifikimi i tyre.
Ndërkaq i arrestuari u kap nga policia teksa po shënjestronte banesën e radhës ku do të grabiste.
Pasi tentoi që të largohej me vrap, si duket nuk ia ka dalë mbanë dhe përfundoi në pranga.
Sipas mediave greke, i riu dhe grupi i “skifterëve” futeshin në hotelet e turistëve dhe më pas, plaçkat që vidhnin i fshihnin në çadra mes shkëmbinjve.
Ndër sendet më të vjedhura nga grupi ishin paratë, veshje dhe ora. Për ta, ekzistojnë prova se kanë hyrë në 7 banesa dhe kanë grabitur sende me vlerë më shumë se 55 mijë euro.