BRITANI E MADHE-Shteti britanik po përpiqet të deportojë për të tretën herë një trafikant shqiptar droge, pasi u burgos.
Ronaldo Zani është kthyer në mënyrë të përsëritur fshehurazi në Mbretërinë e Bashkuar edhe pse se është deportuar dy herë për shkak se ishte pjesëtar i një bande kriminale shqiptare. I riu shqiptar u deportua fillimisht në vitin 2019 pasi u kap duke shitur kokainë, por u kthye muaj më vonë dhe u tha klientëve të tij: Jam kthyer në punë.
26-vjeçari u kap sërish me drogë dhe deklaroi se ishte përfshirë në këtë aktivitet pasi kishte për qëllim shlyerjen e një borxhi prej 15 mijë paund ndaj bandës së kontrabandës së njerëzve që e ndihmoi të kthehej në Mbretërinë e Bashkuar.
Ai u deportua për herë të dytë në maj 2021 pasi u dënua me tre vjet burg. Por më 13 shkurt të këtij viti, një oficer policie e kapi atë teksa po drejtonte një Mercedes në Bournemouth. Nga kontrollet iu gjetën 1,935 £ në para cash dhe 24,75 g kokainë, e cila do të kishte një vlerë në rrugë deri në 2,500 paund.
Zani u tha autoriteteve se ai hyri në MB “disa muaj më parë” duke u fshehur në pjesën e pasme të një kamioni. Ai tha se fillimisht ishte punësuar si punëtor, por nuk fitonte mjaftueshëm për të shlyer kontrabandistët e tij dhe kështu filloi të punonte si korrier droge. Megjithatë, ai u dënua me 4 vjet burg dhe pritet të deportohet sërish./Radar.al
Drejtori i ujësjellësit Elbasan në SPAK/ Dyshohet se u ka dhënë tendera personave pranë Suel Çelës
Rama publikoi pamjet e familjes së emigrantëve/ Celibashi: Kryeministri s’e ka bërë foton
‘Kujdeset’ për abonuesit në “OnlyFans”, Vanda Nara: Mos u bë plani B i dikujt