Departamenti i Thesarit i SHBA-së ka njoftuar se nga 15 deri më 20 gusht 2025, do të pezullohen përkohësisht sanksionet ekonomike ndaj Rusisë, vetëm për aktivitetet që lidhen me organizimin e takimit mes presidentit amerikan Donald Trump dhe homologut rus Vladimir Putin në Alaskë.
Sipas deklaratës zyrtare, çdo veprim që normalisht ndalohet nga masat ndëshkuese, por që është i nevojshëm për përgatitjen dhe zhvillimin e samitit, do të lejohet gjatë kësaj periudhe. Autoritetet theksojnë se ky është një përjashtim i kufizuar dhe nuk nënkupton lehtësim të përgjithshëm të sanksioneve ndaj Rusisë.
Ky samit, që pritet të mbahet të premten, shihet si një mundësi për t’i dhënë fund luftës trevjeçare në Ukrainë. Trump ka zhvilluar sot bisedime me liderët evropianë dhe presidentin ukrainas Volodymyr Zelensky për qëllimet e takimit me Putinin.