Një ngjarje e rëndë mësohet të ketë ndodhur ditën e sotme në një lavazho, në qytetin e Vlorës.
Bëhet fjalë për përleshje fizike mes disa të rinjve, nga ku një 20-vjeçar ka mbetur i plagosur rëndë me mjet prerës.
Burimet bëjnë me dije se fatmirësisht ai ndodhet jashtë rrezikut për jetën.
Sakaq në lidhje me ngjarjen policia ka shoqëruar në komisariat 3 të rinj, që mbetën të plagosur nga ngjarja në fjalë, të cilëve po u merret dëshmia.
Ndërsa një 25-vje֛ar është shpallur në kërkim.
Vlorë/Informacion paraprak
Sot, rreth orës 14:45, në një lavazho në lagjen “Hajro Çakërri”, Vlorë, janë konfliktuar me sende të forta disa shtetas dhe gjatë konfliktit, njëri prej tyre, shtetasi K. H., rreth 20 vjeç, ka mbetur i dëmtuar me mjet prerës (thikë). Aktualisht ndodhet në spital, jashtë rrezikut për jetën.
Si pasojë e konfliktit, kanë mbetur të dëmtuar me sende të forta edhe shtetasit R. Y., 30 vjeç, R. M., 19 vjeç, dhe D. I., 32 vjeç, të cilët, pasi morën ndihmën mjekësore, u shoqëruan në komisariat për t’u marrë në pyetje lidhur me rrethanat e konfliktit.
Nga veprimet e shpejta hetimore është identifikuar dhe po punohet për lokalizimin dhe kapjen e autorit të dyshuar të plagosjes me thikë, shtetasi A. B., 25 vjeç.
Grupi hetimor vijon punën për zbardhjen e plotë të ngjarjes dhe identifikimin e çdo shtetasi tjetër të përfshirë në këtë konflikt.