TIRANË– Kryeministri Edi Rama ditën e sotme përmes komunikimit live me qytetarët në rubrikën “Sy m’Sy” është ndalur tek gjuha e përdorur gjatë takimeve elektorale.
Ditët e fundit e shefi i qeverisë ka përforur në fjalimet e tij termin autik, fjalë për të cilën u sulmua nga opozita ndërsa në lidhje me këtë Rama thotë se ka kërkuar ndjesë.
“Ka qenë vetëm një gjë për të cilën kam kërkuar ndjesë, që ka qenë një gabim kur kam folur për autizëm politik, term i njohur në literaturën politike dhe akademike.”- u shpreh kryesocialisti.
FJALA E RAMËS:
Në anë tjetër ka një dëshpërim të thellë që pasqyrohet edhe në kënetat e pasqyrës mediatike ku pretendohet se jetohet në një autokraci, ndërsa nuk lihet gjë pa thënë për mua, PS, qeverinë apo edhe vetë popullin. Flitet për gjuhën time që paskam thënë e paskam bërë gjëra që askush nuk i bën, por cilat janë këto? Akoma sot nuk e kuptoj se në cilat nga gjërat që kam thënë kam bërë gjë tjetër veçse kam komunikuar hapur me publikun. Ka qenë vetëm një gjë për të cilën kam kërkuar ndjesë, që ka qenë një gabim kur kam folur për autizëm politik, term i njohur në literaturën politike dhe akademike. Nuk e krijova për të lënduar dikë, por me të drejtë prej disa kohësh konsiderohet i papërshtatshëm. Ma gjeni dot një tjetër udhëheqës politik shqiptar që ka kërkuar ndjesë? Unë nuk e di të ketë ndodhur. Si shpjegohet që këta njerëz të cilët çdo natë çfarë nuk thonë flasin me një gjuhë ekstreme, unë personalisht jam shënjestra kryesore, kriminel hajdut çfarë nuk thonë pa asnjë provë, vetëm dokrra e llafe. E pi verën 33 mijë euro. Lëshohet një fjalë në rrugë, pastaj përsëritet e kthehet në akuzë. Unë mendoj se në ato që them kur përdor simbolika merrem me thelbin.”– tha Rama./Radar.al
Ulëret në korridore/ Momenti kur arrestohet ish-drejtoresha e Spitalit Dibër