Një ngjarje e pazakontë, me skena që ngjanin me film aksion, është regjistruar në Gaziantep, ku një shofer taksie arriti të neutralizojë një pengmarrës të armatosur gjatë një ndjekjeje dramatike me policinë.
Sipas mediave turke, 31-vjeçari Semih T., së bashku me një grua 36-vjeçare të identifikuar si Gulbahar G., që dyshohet të ishte partnerja e tij, morën peng një shofer taksie nën kërcënimin e një pushke gjahu dhe u larguan me automjetin.
Pas njoftimeve nga qytetarët, policia nisi menjëherë ndjekjen e taksisë. Autorët refuzuan të ndalonin dhe ndjekja vazhdoi nga zona Araban deri në hyrje të qytetit, në lagjen Sehitkamil.
Situata u tensionua edhe më shumë kur 31-vjeçari hapi zjarr nga brenda automjetit ndaj forcave të policisë gjatë ndjekjes.
Gjatë gjithë kohës, shoferi i taksisë, 58-vjeçari Ramazan Y., mbahej peng dhe detyrohej të drejtonte automjetin sipas urdhrave të autorit. Në një moment vendimtar, ndërsa pengmarrësi po qëllonte nga dritarja drejt policisë, shoferi përfitoi nga hutimi i tij, i rrëmbeu armën dhe arriti ta çarmatosë.
Gaziantep’te taksiciyi kaçırdığı iddia edilen bir şüpheliye, sürücünün acil durum butonuna basmasının ardından polis ekipleri dakikalar içinde müdahale etti.
— Bulvar Medya (@Bulvarpress) May 10, 2026
Taksinin camından polisimize ateş eden şahıs, polis ekipleri tarafından etkisiz hale getirildi. pic.twitter.com/SXT9EjXoIE
Menjëherë pas kësaj, policia ndërhyri duke rrethuar automjetin dhe arrestoi si autorin 31-vjeçar, ashtu edhe gruan që ndodhej me të në taksi.
🇹🇷 In Turkey, a taxi driver heroically disarmed a heavily armed criminal who was holding him hostage
— Visegrád 24 (@visegrad24) May 11, 2026
In the city of Gaziantep, a couple hijacked a 58-year-old taxi driver at gunpoint using a pump-action shotgun.
During the chase, the suspect fired at police officers from… pic.twitter.com/SI7GIZBaOx
Shoferi hero mbeti i plagosur lehtë në gisht, ndërsa pamjet nga vendi i ngjarjes tregojnë qytetarë të tmerruar që largohen nga makinat për t’u mbrojtur nga të shtënat dhe dhjetëra efektivë policie që bllokojnë zonën për neutralizimin e autorëve.
Dy të arrestuarit janë shoqëruar në komisariat, ndërsa hetimet për zbardhjen e plotë të ngjarjes vijojnë.