“DHOMA QENDRORE” – Për pjesën më të madhe të sezonit, Raul, Asensio ka qenë një zgjidhje. Në fund u kthye në një problem! Mbrojtësi nga Ishujt Kanarie ka pasur një Kupë të dobët Bote për Klube, duke përfshirë një karton të kuq dhe dy gabime të mëdha. Ardhja e Hausen dhe rikuperimi i Militaos e kanë vendosur atë si qendërmbrojtësin e katërt dhe ky është një ndryshim i situatës që Ksabi Alonso duhet ta menaxhojë.
KRAHU I MAJTË – Ardhja më shumë se e mundshme e Alvaro Karreras te Madridi, konkretisht në pozicionin e mbrojtësit të majtë, do të thotë se Fran Garsia, i cili ka qenë një nga aspektet pozitive të Kupës së Botës dhe Ferland Mendi do të shohin konkurrencë në rritje për këtë pozicion. Nëse nuk ka largime, do të jetë interesante të shohim se si do ta trajtojë situatën trajneri bask.
“REGJIA” – Nevoja e Ksabi Alonsos për një mesfushor krijues duhet të lehtësohet për momentin nga prania e Gyler dhe Sebajos. Megjithatë, mbetet për t’u parë nëse Reali i Madridit do të dëshirojë ta forcojë ekipin në atë pozicion apo, përkundrazi, t’ia lërë Ksabit të sigurojë që me këta lojtarë, dhe ndoshta edhe me Mastantuonon, të mos ketë nevojë për nënshkrime.
ENDRIK APO GONZALO GARSIA – Kupa e Botës e suksesshme e Gonzalos, e cila duket se ia ka ndryshuar fatin si lojtar i ekipit të parë, do të thotë se roli fillestar i Endrik si sulmues rezervë është në dyshim. Në fakt, një transferim në formë huazimi për brazilianin nuk është përjashtuar.
KRISJA ME RODRIGON – Ndoshta çështja më e ndjeshme nga të gjitha është e ardhmja e Rodrigo Goesh, fundi i dobët i sezonit të të cilit është konfirmuar në Kupën e Botës për Klube. Në ditët në vijim, Alonso do të takohet me bordin dhe ata do të përcaktojnë një plan për brazilianin.
NJË LIDERSHIP PËR TË NDARË – Debati i fundit, por jo më pak i rëndësishmi, veçanërisht pas ndeshjes kundër PSG-së, në të cilën u bë e qartë se të dyja palët kanë shumë hapësirë për përmirësim, është se kush do ta udhëheqë Realin e Madridit: Vinicius apo Mbape!/PanoramaSport