Kryeministri Edi Rama ka vijuar turin e takimeve me strukturat lokale, duke u ndalur këtë herë në Durrës, pas mbledhjeve me tone të larta në Fier dhe Vlorë.
Ndryshe nga qëndrimet e ashpra në Fier – ku kërkoi dorëheqjen e të gjithë drejtorëve vendorë – dhe në Vlorë, ku lëshoi paralajmërime të forta, në Durrës Rama ka folur për “rifreskim” të administratës, por pa kërkuar largime nga detyra.
Burime pranë takimit konfirmojnë se Rama ka lënë detyra konkrete për përmirësimin e performancës, duke theksuar rëndësinë e shërbimit ndaj qytetarëve, pastërtisë urbane dhe bashkëpunimit mes institucioneve lokale dhe deputetëve të qarkut.
Takimi u zhvillua pa praninë e mediave, ndërsa Rama pritet të vijojë me mbledhje të tjera në bashkitë e vendit, në atë që duket si një fushatë pas-zgjedhore për rivlerësim dhe llogaridhënie në nivelet vendore të administratës socialiste.