Partia Qendra e Serbisë (Zemra) kritikoi ashpër këtë të vit për presidentin serb Aleksandar Vuçiç, duke e cilësuar punën e tij si një seri dështimesh, përfshirë provokimin e konflikteve civile dhe paaftësinë për të zgjidhur krizën aktuale energjetike.
“Askush tjetër nuk mund të kishte urdhëruar banditë të paguar të sulmonin demonstrues paqësorë, gazetarë, kalimtarë dhe deputetë, siç ndodhi në mars. Askush tjetër nuk mund të kishte lejuar përdorimin e armëve zanore dhe abuzimin e policisë ndaj qytetarëve dhe studentëve, si dhe arrestimet pa baza ligjore,” tha Boshko Shindiç, anëtar i Zemra, sipas Telegrafi.
Shindiç akuzoi gjithashtu Vuçiçin se manipuloi zgjedhjet në Mionicë, duke përdorur turma kriminelësh për të frikësuar banorët.
Partia thekson se dështimi më i madh i Vuçiçit është paaftësia për të zgjidhur krizën më të rëndë energjetike që nga fillimi i viteve ’90 dhe për të vendosur Serbinë në një rrugë të besueshme drejt Bashkimit Evropian.
Sipas Shindiç, përkundër deklaratave të Kryetares së Parlamentit Ana Brnabiç se suksesi më i madh i Vuçiçit është moslufta civile, Vuçiç do të mbahet mend si politikani më i pasuksesshëm që nga Slobodan Millosheviç.