Partia Demokratike ka njoftuar emërimin e Xhemal Gjunkshit si Këshilltar për Sigurinë Kombëtare pranë kryetarit Sali Berisha. Vendimi, i firmosur sot nga Berisha, bazohet në nenin 46 të Statutit të PD-së dhe ka efekt të menjëhershëm.
Ky emërim shihet si pjesë e një nisme më të gjerë të PD-së për të rritur kapacitetet profesionale dhe për të forcuar strukturat e brendshme të partisë.
Xhemal Gjunkshi ka qenë më herët pjesë e tryezës së drejtuar nga deputeti Ervin Salianji, e cila kishte për qëllim përditësimin dhe modernizimin e strukturave drejtuese të Partisë Demokratike.