KORÇË– Pas Elbasanit edhe në Korçë gjashtë kryetarët e njësive administrative në Bashkinë e Korçës kanë paraqitur dorëheqjen e tyre.
Këto dorëheqje vijnë pas ultimatumit të dhënë nga Kryeministri Edi Rama. Këto dorëheqje janë dorëzuar pranë kryetarit të Bashkisë së Korçës, Sotiraq Filo. Burime bëjnë me dije se ata do të vijojnë të qëndrojnë në detyrë deri në emërimin e pasardhësve të tyre.
Ndërkohë, dy nënkryetarët e Bashkisë Korçë nuk kanë paraqitur dorëheqje, por gjithashtu nuk u është kërkuar një veprim i tillë prej tij.
Situata e njëjtë është shënuar edhe në Bashkinë e Kolonjës, ku tre kryetarë njësish administrative kanë dhënë dorëheqjen. Pritet që vala e dorëheqjeve të vijojë edhe në bashkitë e tjera të qarkut, konkretisht në Maliq, Devoll dhe Pogradec, ku priten zhvillime të ngjashme në ditët në vijim./Radar.al
Ultimatumet e Ramës/ Japin dorëheqjen drejtues të lartë në Elbasan
Vr*sja e Martin Canit/ Dëshmon për herë të parë autori i dyshuar, ja çfarë thotë Mario Përlleshi