Pak orë pas publikimit të postimit të tij të parë, Papa i ri arriti të grumbullonte më shumë se 12.9 milionë ndjekës, duke e bërë atë një nga liderët fetarë më të ndjekur në rrjet.
Prania e Papa Leo XIV në Instagram ndjek gjurmët e Papa Benediktit XVI, i cili në 2012 hapi profilin e parë papnor në Tëitter.
Një akt që asokohe u konsiderua guximtar dhe novator.
Pasardhësi i tij, Papa Françesku, jo vetëm që vazhdoi këtë traditë, por e thelloi përmes mënyrave më pak tradicionale; selfie me të rinjtë, telefonata direkte me besimtarët, por edhe kritika të hapura ndaj përdorimit të tepërt të teknologjisë.
Momentalisht, profili @Pontifex, që administrohet nga Vatikani dhe përfshin postime në disa gjuhë, ka arritur në 52 milionë ndjekës, duke u shdnërruar kështu në një nga zërat më me ndikim në rrjet.
Me ardhjen e Papa Leo XIV, pritet që kjo prani të forcohet edhe më tej, duke sjellë një Kishë më të lidhur, më të pranishme dhe më të hapur ndaj brezave të rinj.