Pas vizitës së tij apostolike në Luksemburg dhe Belgjikë, Papa Françesku u shpreh mbi abortin, veprim të cilin e cilëson si vrasje.
Gjithashtu, kreu i Kishës Katolike, tha se mjekët që e praktikojnë abortin janë po ashtu vrasës.
“Gratë kanë të drejtën e jetës: për jetën e tyre, për jetën e fëmijëve të tyre. Të mos harrojmë ta themi këtë: aborti është vrasje. Shkenca thotë se që në muajin e parë të gjitha organet janë aty. Vritet një qenie njerëzore.Tjetër gjë janë metodat kontraceptive, kjo është tjetër gjë. Mos u ngatërroni. Tani po flas vetëm për abortin. E për këtë nuk mund të diskutojmë. Më falni, por kjo është e vërteta”, u shpreh Papa Françesku.